السلام عليكم
قبل فترة كنت رايحة جيان الظهر اشتري اغراض
كنت واقفة بالقسم اللي فيه ملابس النساء الأقمصة والبواطلين اللي قبال الجواتي أكرمكم الله
صارت يمي حرمة مع ريلها وبنتهم الصغيرة ، واهما بعدهم شباب يعني مو كبار
المهم آنا كنت ادور لي قميص ، إلا صارت معانا بعد بنت شكلها عادي يعني لابسة عباية وشيلة بس بصراحه
من ناحية الشكل حلوة وايد وااايد يعني بيضا وملامحها تلفت النظر
اللي شفته ( اقول اللي شفته ) هي اللي ظلت تناظر للريال فترة وهو كان يسولف مع حرمته ، فجأة انتبه لها
واهيا تطالعه وسوّت نفسها تطالع بالاغراض
شوفوا حركتها الحين شسوت
طبعاً البنات اللي يعرفون هذي المكان يعرفون إن في أقمصة خفيفة للصيف وأقمصة نوم
أنا لاحظتها تتعمّد تاخذ القميص وتقربه من جسمها كأنها نفس اللي تبي تشوفه مناسب لها أو لا
والريال قسم بالله مو قادر يشيل عينه من جسمها ومن الأقمصة اللي اهيا تختارهم
كان واضح وااااضح إنها متعمدة وتسوي هالحركات كأنها خبيرة واحنا بنات ونعرف لبعض
وحرمته مسكينه يا غافلين لكم الله ولا تدري بشي وآنا كل شوي اسوي روحي ادور قميص أو ابدّل أو شي
ابي اشوف الموقف
المهم آنا مشيت وخذيت باقي الاغراض ورحت للكيشر ، إلا اهوا الريال ومرته وبنته كانوا بالكيشر اللي يمي
وهي يت بعد ، ظلت تطالع باغراضي وشافت إنهم كم قطعة بس وشافت إن الريال هذا وحرمته عندهم
اغراض وايد وبيتأخرون لكن كنت متأكدة إنها بتوقف وراهم وهاذي اللي صار
ويوم حست إنه ما انتبه لها سوت روحها تتحمحم ماااري شنو وأول ما التفت تطالعه بنظرات وقحة
يوم خلصت انا شلت اغراضي ومشيت على يساري إلا هو جنب الكيشر اللي اهما فيه كانت حرمته اللي
تجيس الاغراض وهو الظاهر راح اييب اغراض كانت لهم عند خدمات الزبائن
مسكينه مريت يمها وانا اطالعها إلا اهيا تضحك وتقول: الظاهر احنا اللي نجيّس لروحنا هنا
عورت قلبي مسكينه شنو تجيسين شنو انتوا انتبهي لريلج بس
آدري طولت عليكم بس صج صج الموقف اللي شفته وايد ضايقني ومتحسفة ليش ما قلت لها عن قليلة
الأدب اللي وراها
قسم بالله صرنا بزمن مخيف مخيــــف يعني بالذمة وين الريال ما ينحرف ولا يطالع إذا البنت الحين اللي
تلاحقه وتركض وراه حتى واهيا تشوفه مع زوجته
الأربعاء سبتمبر 02, 2009 10:15 pm
